wrapper

Хабарҳо

   Бо навбат қурби доллар коҳиш меёбад. Тавре коршиносон пешгӯ кардаанд, қурби доллар то 30% коҳиш ёфта, мавқеашро ҳамчун асъори захиравӣ аз даст медиҳад, бо вуҷуди он ҳангоми ҳисобҳо аз асъори амрико даст кашидан ҳанӯз барвақт аст.

  Тавре коршиносон гуфтаанд, қурби доллар коҳиш ёфта дар дур­намо мавқеашро дар бозори ҷаҳон пурра аз даст медиҳад.

   Тавре асосгузори хеҷ-фонди бузургтарини ҷаҳон Bridgewater Associates Рэй Далио дар мусоҳибааш ба Bloomberg TV гуф­тааст, қурби доллар то 30% коҳиш ёфта, ба даҳшати бузурги Америка табдил меёбад.

   Сабаби коҳиш ёфтани қурби доллар, ба андешаи Далио, болора­вии минбаъдаи «камбуди сегонаи ИМА» аст. Камбудиҳои мазкур – аз камбуди буҷет, камбуди тавозуни тиҷорат ва камбуди ҳисобҳои муо­милоти ҷорӣ иборат аст.

   Камбуди сегонаи ИМА дар дурна­мо харидорони хориҷии вомбаргҳои хазинадориро ҳаросонда, боиси болоравии аз ҳад зиёди даромадно­кии онҳо ва яку якбора то 30% паст шудани қурби доллар мегардад.

   Дар чунин ҳолат ба ҷойи доллар ҳамчун асъори захиравии ҷаҳон асъори дигар меояд.

   Тавре гуфта мешавад, дар фо­руми «Россия даъват мекунад!» президент Владимир Путин қайд кардааст, ки Россия маҷбур аст ба самти даст кашидан аз доллар пеш равад, зеро худи асъори Амрико аз мо рафта истодааст».

   «Ҳадафи мо аз доллар даст ка­шидан нест, худи доллар аз дасти мо меравад», - гуфтааст Путин.

   Тавре В.Путин гуфтааст, «дер ё зуд мо ба чунин ҳолат одат меку­нем, вале ҳоло ки ҷаҳон бо чунин зуҳурот рӯ ба рӯ гаштааст, мо роҳҳои алтернативии ҳисобҳо ва захира кардани асъорро меҷӯем», - зикр намудааст В.Путин.

Манбаъ: https://news.mail.ru/ economics

5721 Шарҳҳо

Матни шарҳи шумо…

Обуна

 

Дар бораи мо

Шумораи нахустини ҳафтаномаи «Боҷу хироҷ» 26 декабри соли 1998, ҳамчун нашрияи Кумитаи андози назди Ҳукумати Ҷумњурии Тоҷикистон, бо номи «Паёми андоз» аз чоп баромада дастраси хонандагон гардид.

Рӯзномаи “Боҷу хироҷ” ягона нашрияи иқтисодии ҷумҳурӣ буда, дар инъикоси фаъолияти иқтисодии кишвар ва ғановати буҷети давлатӣ саҳми арзанда мегузорад. Дар саҳифаҳои рӯзнома амру фармонҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, қонунҳои Ҷумҳурии Тоҷикистон, Фармоишҳои Раиси Кумитаи андози назди Ҳукумати Ҷумҳурии Тоҷикистон, маводҳо роҷеъ ба андозу иқтисод ва фаъолияти соҳибкорӣ, умури бонкӣ ва муҳосибот, ҳуқуқу уҳдадориҳои андозсупоранда, шарҳи Кодекси андоз, инчунин фарҳанги ҷомеаи ҷаҳон ба табъ мерасанд.

PDF